اسلام آباد۔4ستمبر(اے پی پی)وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے جو جدید ٹیکنالوجی دے بغیر ترقی ممکن نئیں، سوشل میڈیا تے کوڑیاں تے جعلی خبراں کھنݙایاں ویندن، اے ڳالھ انہاں اسلام آباد اچ ٹیک ویلی ولوں”ڈیجیٹل صحافت بارے پاکستانی صحافیاں کیتے تربیتی پروگرام“ نال خطاب اچ آکھی۔ انہاں آکھیا جو کئی سالاں توں ڈیجیٹل اسپیس ودھ ترق?? کیتی اے، حکومت جدید ٹیکنالوجی بارے ٻہوں ک?? کیتے کیوں جو ٹیکنالوجی دے بغیر اساں ترقی نئیں کرسڳدے، اساں پاکستان دا پہلا لینڈ ??یکارڈ انفارمیشن سسٹم ٻݨا تے پورے لینڈ ??یونیو سسٹم کوں ڈیجیٹلائز کیتے، اساں اے نظام بدلݨ دا چیلنج قوبل کیتے اتے لینڈ ??یکارڈ سسٹم کو ڈیجیٹل ڈومین اچ وٹائے۔ انہاں آکھیا جو اساں پاکستان دا پہلا سیف سٹی پراجیکٹ وی مکمل کیتے، ڄیکر اساں ویلھے تے آپ کوں ناں وٹایا تاں ویلھا ساکوں بدل ݙیسی۔ انہاں آکھیا جو اخبارات میں ایڈیٹوریل کنٹرول نظام دے نال نال معلومات دی تصدیق دا نظام وی ہووݨا چاہیدے، جعلی خبراں معیشت کوں نقصان پچیندن، ساکوں صحافیاں اتے ڈیجیٹل فری لانسرز کوں مناسب مہارتاں ݙیوݨا ہوسن جو او بیرون ملک پاکستان دا مث??ت تاثر پیش کر سڳن۔ وزیر اطلاعات آکھیا جو کڄھ مذہبی انتہاءپسند غلط فہمیاں کھنݙیندن، غلط معلومات ݙیوݨ آلے ساݙے خیر خواہ نئیں تھی سڳدے، وزارت اطلاعات اچ فیکٹ چیک نظام نال سوشل میڈیا دیاں خبراں تے اکھ رکھی ویندی اے، لوکاں ک??ں ݙسایا ویندے جو کیہڑی خبر کوڑی اتے کیہڑی معلومات غلط اے، صحافیاں ک??ں تربیت ݙیوݨ کیتے ٹیک ویلی اتے گوگل چنڳے اقدامات کیتن، فسادی اتے انتہا پسند معاشرے اچ فساد کیتے سوشل میڈیا دا استعمال کریندن ڄیکوں روکݨ ضروری اے۔ انہاں آکھیا جو اساں ڈیجیٹل اسپیس دے مث??ت استعمال، محفوظ ماحول سانڳے کم کریندے پئے ہیں، میں انہاں صحافیاں ک??ں سلام کرینداں جنہاں ٻہوں اوکھے حالات اچ اپݨے پیشہ ورانہ فرائض نبھائن، ساکوں قانون دی عمل دار?? کیتے اڳو آوݨا ہوسی، قومی سلامتی، موسمیاتی تبدیلی، صنفی مساوات سودھا ٻئے معاملیاں تے کم کرݨا چاہیدے۔
