اسلام آباد۔1دسمبر(??ے پی پی):وفاقی وزیر اطلاعات و نشریات مریم اورنگزیب ودھدی آبادی دے مسئلے تے قابو پاوݨ کیتے صوبیں اچ انڄ وزارتاں بݨاوݨ دی تجویز ݙیندے ہوئیں آکھیے جو اڄوکے سال دنیا دی آبادی 8 ارب اتے پاکستان دی 23 کروڑ تھی ڳئی ، گزریل75 سالاں اچ پاکستان دی آبادی 3 کروڑ توں 23 کروڑ تھی ڳئی ، 2030ء ??چ پاکستان دی آبادی 26 کروڑ 30 لکھ اتے 2050ء اچ 33 کروڑ 80 لکھ تھیوݨ دا امکان اے?? آبادی دے لحاظ نال پاکستان دنیا دا پنجواٻ وݙا ملک بݨ چکیے ، ودھدی آبادی تے قابو پاوݨ کیتے وختی نیشنل ایمرجنسی پلان ݙتا ویسی ، وزیراعظم شہباز شریف آندے ہفتے نیشنل ٹاسک فورس دا اجلاس طلب کیتے ، نیشنل ٹاسک فورس اچ صوبیں کوں نمائندگی ݙتی ڳئی اے ۔ اے ڳالھ انہاں پاپولیشن کونسل دے قیام دی 70 ویں سالگرہ دی تقریب توں خطاب کریندے ہوئیں ۔وفاقی وزیر اطلاعات آکھیے جو موسمیاتی تبدیلیاں دی تباہی وانڳوں ودھدی آبادی وی خطرے دی گھنٹی اے?? آبادی ودھدی اے تاں تعلیم، صحت اتے خدمات عامہ جیہے مسئلے وی پیدا تھیندن ۔ انہاں آکھیے اٹھارہویں ترمیم دے بعد تعلیم، صحت تے خدمات عامہ جیہے مسئلے صوبیں دی ذمے واری ہن ۔ انہاں آکھیے جو پاکستان دی آبادی 2 فیصد سالانہ دی رفتار نال ودھدی پئی اے ، انہاں مسئلیں نال نبݨݨ کیتے ودھدی ہوئی آبادی دے مسئلے نال نبݨݨا ہوسی ۔ وفاقی وزیر اطلاعات قومی اہمیت دے انہاں مسئلیں تے قومی بیانیہ تشکیل ݙیوݨ دی لوڑھ تے زور ݙیندے ہوئیں آکھیے جو بیانیہ دی تشکیل اچ سارے اسٹیک ہولڈرز کوں شامل کرݨا چاہیدے۔ انہاں آکھیے جو حکومتی سطح تے ایجھے مسئلیں تے کھل تے بحث ہووݨی چاہیدی اے ، ایں کیتے ساریں کوں آپݨا کردار ادا کرݨا ہوسی ۔ مریم اورنگزیب آکھیے سیلاب جیہی قدرتی آفت دے نتیجے اچ قوم ہݨے وی وݙی تباہی دا سامݨا کیتا، تباہ کن سیلاب پاروں پاکستان اچ ٻال تے تریمتاں شدید متاثر تھئن۔ ماضی اچ پارلیمنٹ اچ منعقدہ قومی کانفرنس دے منظور کیتے ڳئے اعلامیہ اچ اہداف دا واضح تعین تھیا ہئی ، کانفرنس دے اعلامیہ تے صوبیں دے دستخط وی ہن، انہاں اہداف تے تجویز کیتے ڳئے اقدامات دی بحالی دی لوڑھ اے ۔ انہاں آکھیے ایں طرح اساں پالیسی سازی، قانون سازی اتے بیانیہ دی تشکیل دے نال نال مطلوبہ اہداف حاصل کرسڳدوں ۔ انہاں آکھیے ماضی اچ محکمہ منصوبہ بندی عوام کوں ایں مسئلے دا ݙساوݨ کیتے چنڳاں کردار ادا کیتے ۔ وفاقی وزیر اطلاعات ودھدی آبادی دے حوالے نال ڈیجیٹل میڈیا تے آگاہی پیدا کرم تے بیانیہ دی تشکیل اچ پاپولیشن کونسل کوں ہر ممکن تعاون دا یقین ݙیوائے۔
