اسلام آباد۔14اگست (اے پی پی):وزیر اعظم محمد شہباز شریف آکھیے جو پاکستان ساݙے وݙیں دیاں عظیم قربانیاں دا ثمر اے ، ،قائد اعظم ایمان،اتحاد اتے نظم وضبط دی تعلیم ݙتی ،قیام پاکستان دی ولولہ انگیز داستان اساں کیتے مشعل راہ اے ،جے پاکستان جوہری قوت بݨ سڳدے تاں معاشی قوت وی بݨ سڳدے ،ملک کوں ایں ویلھے قومی مکالمے دی ٻہوں لوڑھ اے ، اساکوں امانت و دیانت کوں آپݨا شعار بݨاوݨا ہوسی اے ڳالھ انہاں اتوار کوں پاکستان دے 75 ویں یوم آزادی دے موقع تے جناح کنونشن سنٹر اچ پرچم کشائی دی مرکزی تقریب توں خطاب کریندے ہوئیں آکھی اے ، وزیر اعظم محمد شہباز شریف پرچم کشائی کیتی،ایں موقع تے قومی ترانہ وی پڑھیا ڳیا ۔ تقریب اچ چیئرمین سینٹ صادق سنجرانی،سپیکر قومی اسمبلی راجہ پرویز اشرف،وزیر خارجہ بلاول بھٹو زرداری،وزیر اطلاعات ونشریات مریم اورنگزیب،وزیر قانون اعظم نذیر تارڑ،ریاض پیرزادہ،شاہ زین بگٹی،شیری رحمان،مرتضی جاوید عباسی،مولانا اسعد محمود،خالد مگسی،انجنئیر امیر مقام،عسکری قیادت، ارکان پارلیمنٹ،غیر ملکی سفارت کاراں اتے مختلف شعبیں توں تعلق رکھݨ آلے لوکاں وݙی تعداد اچ شرکت کیتی ۔وزیر اعظم محمد شہباز شریف خطاب ویلھے پاکستانیاں کوں جشن آزادی دی مبارخ ݙیندے ہوئیں آکھیے جو ایں نعمت تے اساں آپݨے رب دے حضور سجدہ شکر ادا کریندوں۔انہاں ایں موقع تے کشمیر تے فلسطین دے مسلماناں کیتے وی وختی توں وختی آزادی دی دعا منگی ۔وزیر اعظم اڄوکے مینھ تے چھل پاروں تھیوݨ آلے جانی ضیان تے ݙا اظہار تے زخمیاں دی وختی صحت کیتے دعا کیتی ?? انہاں آکھیے جو قیام پاکستان دی ولولہ انگیز جدوجہد اساں کیتے مشعل راہ اے ، مشاہیر پاکستان دی جدوجہد کوں سلام پیش کرین??وں جنہاں دی جدوجہد توں اساکوں آزادی دی نعمت ملی اے ۔ وزیر اعظم آکھیے جو برصغیر دے مسلماناں جبر دا بہادری نال مقابلہ کیتا تے آپݨا مقصد حاصل کرݨ اچ کامیابی حاصل کیتی ،ایں مقصد کیتے سینکڑاں لوکاں آپݨیاں جاناں ݙتن ،ایں جدوجہد اچ مسلمانوں ہی کائناں اقلیتاں وی بھرپور حصہ پاتا ۔انہاں آکھیے جو اساں پاکستان دی تعمیر وترقی اچ تارکین وطن دے اہم کرداردی وی تعریف کرین??وں ۔ وزیر اعظم محمد شہباز شریف آکھیے جو پاکستان دنیا دی ستویں جوہری طاقت اے تے ایں پروگرام نال جڑیے سارے ادارے تے لوک اساݙے محسن ہن ?? انہاں آکھیے اساکوں آپݨا محاسبہ کرݨا ہوسی ایں کیتے قومی مکالمے دی لوڑھ اے جیں کیتے میثاق معیشت تھی سڳدے ،اساں جوھری قوت بݨ سڳ??وں تاں معاشی قوت کیوں نی بݨ سڳدے ۔ وزیر اعظم آکھیے اے آزادی وݙی قربانیاں توں ملی اے ،ایندا خون دے آخری قطرے تئیں دفاع کریسوں ?? انہاں آکھیے نینگر ایں ملک دا اثاثہ ہن انہاں ملک کوں اڳوں گھن تے ٹرݨا اے نینگر ساݙی ترجیحات دا اہم جزوہن۔ وزیر اعظم آکھیے جو دنیا اچ ونڄا ہویا آپݨا مقام گھنݨ کیتے آو ھک تھیووں قیام پاکستان دا ݙوجھا مقصد اساں ساریں رل تے پورا کرݨا اے ?? انہاں قومی ترانے کوں ول ریکارڈ کرݨ تے متعلقہ اداریں کوں مبارخ ݙتی ، ایں موقع تے ملی نغمے وی پیش کیتے ڳئن ،فنکاراں صوبائی زباناں دےلوک ڳاوݨاں دی دھن تے پرفارمنس وی ݙتی ۔
