راولپنڈی۔8اکتوبر(اے پی پی)کورکمانڈر کانفرنس بھارتی سِول اتے عسکری قیادت دے اڄوکے غیر ذمہ دارانہ اتے بلا جواز اشتعال انگیز بیانات تے شدید تشویش کریندے ہوئیں کہیں وی ہندوستانی جارحیت دا وقتی تے فیصلہ کن جواب ݙیوݨ دا عہد کیتے ۔ پاک فوج دے شعبہ تعلقات عامہ آئی ایس پی آر توں جاری بیان موجب ??یف آف آرمی سٹاف فیلڈ مارشل سید عاصم منیر جنرل ہیڈ کوارٹرز (جی ایچ کیو) اچ منعقدہ 272ویں کور کمانڈرز کانفرنس دی صدارت کیتی۔کانفرنس دے آغاز تے بھارتی دہشت گرد پراکسیاں دے ذریعے کیتے ڳئے اڄوکے دہشت گردانہ ح??لی?? دے شہداء کیتے فاتحہ خوانی کیتی ڳئی۔ فیلڈ مارشل غیر ملکی سپانسر شدہ دہشت گرد پراکسیاں دے خلاف جنگ ا??ے اڄوکی چھل دے بعد سِول انتظامیہ اتے ٻئے قانون نافذ کرݨ آلے اداریں نال رَل تے وݙے پیمانے تے ریلیف اتے ریسکیو آپریشنز دے دوران پاکستان دی مسلح افواج دے جذبے اتے عزم دی تعریف کیتی ۔ کانفرنس دہشت گردی نال نبڑݨ دیاں جاری کارروائیاں، اُبھردے خطرے اتے آپریشنل تیاریاں دا ہک جامع جائزہ ڳھدا۔فورم ایں ڳالھ دی توثیق کیتی جو مسلح افواج سارے ڈومینز اچ پاکستان دے دشمناں دے خراب ارادیں کوں ناکام بݨاوݨ کیتے تیاراے۔ سیاسی سرپرستی نال دہشت گردی اتے جرائم وچال موجودہ تعلق ریاست دے مفادات ا??ے ایں دے عوام دی سلامتی کوں شدید نقصان ݙیندا پئے، اوں کوں مزید جاری نہ رہݨ ݙتا ویسی، بھاویں کجھ وی تھیوے۔فورم بھارتی سِول اتے عسکری قیادت دے اڄوکے غیر ذمہ دارانہ اتے بلا جواز اشتعال انگیز بیانات تے شدید تشویش کیتی اتے آکھیا ج?? ایں طرح دی ڳالھ مہاڑ سیاسی فیدے کیتے جنگی جنون کوں ہوا ݙیوݨ دے معروف بھارتی رجحان موجب اے۔ شرکاء ایں ڳالھ ??ے اتفاق کیتا جو غیر ضروری جنگی بیان بازی نال کشیدگی ودھݨ دا امکان اے جیں نال علاقائی امن و سلامتی کوں خطرہ اے۔فورم کہیں وی ہندوستانی جارحیت دا وقتی اتے فیصلہ کن جواب ݙیوݨ دا وعدہ کیتا، جیں نال جغرافیہ توں حاصل تھیوݨ آلے ہندوستان توں متعلق تحفظ بارے کہیں وی تصور کوں تروڑ ݙتا ویسی۔ کہیں وی خیالی نویں نارمل کوں وقتی جوابی ردعمل دے نویں معمول نال پورا کیتا ویسی۔ شرکاء فتنۃ الخوارج اتے فتنۃ الہندوستان جیھے ہندوستانی سپانسر شدہ دہشت گرد پراکسیاں دے نیٹ ورکس کوں ختم کرݨ کیتے سارے ڈومینز اچ دہشت گردی نال نبڑݨ دیاں جامع کارروائیاں کوں جاری رکھݨ دے عزم دا اظہار کیتا۔کانفرنس اچ شرکاء پاکستان دی اڄوکے اعلیٰ سطحی سفارتی مصروفیات دی اہمیت کوں تسلیم کیتا اتے عالمی اتے علاقائی امن دے عزم کوں دوہرایا ۔ فورم پاکستان اتے سعودی عرب وچال تاریخی سٹریٹجک آپت دے دفاعی معاہدے دا خیرمقدم کیتا، جیں دا مقصد کہیں وی ٻاہرلی جارحیت دا مشترکہ جواب ݙیوݨ کیتے سٹریٹجک تعلقات کوں مضبوط بݨاوݨ اتے ملٹی ڈومین تعاون کوں ودھاوݨ اے۔ اے معاہدہ مشترکہ اقدار، آپسی احترام اتے مشرق وسطیٰ اتے جنوبی ایشیائی خطیں اچ امن و سلامتی کیتے مشترکہ وژن تے زور ݙیندے۔فورم اقوام متحدہ دی سلامتی کونسل دیاں متعلقہ قرارداداں موجب ??شمیری عوام دے حق خودارادیت کی??ے انہاں دی جائز جدوجہد کیتے پاکستان دی نہ سمجھوتہ کرݨ آلی حمایت کوں دوہرایا ۔ فورم فلسطینی مسئلے کیتے پاکستان دی نہ ہلݨ آلی حمایت کوں وی دوہرائے اتے تکھے جنگ بندی اتے غزہ دے لوکاں تئیں انسانی امداد ݙیوݨ دی امید ظاہر کیتی۔ فورم مسئلہ فلسطین تے پاکستان دے اصولی موقف کوں دوہرائے تے آکھیا ہک آزاد فلسطینی ریاست دے نال ݙو ریاستی حل دی حمایت دا اظہار کیتا جو 1967 توں پہلے دیاں سرحداں تے مشتمل ہووے ا??ے القدس الشریف ایں دا دارالحکومت ہووے۔سید عاصم منیر کمانڈرز کوں آپریشنل تیاری، نظم و ضبط، جسمانی فٹنس، جدت اتے ردعمل دے اعلیٰ ترین معیاراں کوں یقینی بݨاوݨ دی ہدایت کیتی۔ انہاں روایتی اتے ذیلی روایت توں گھن تے ہائبرڈ اتے غیر متناسب خطرے دا مقابلہ کرݨ کیتے پاک فوج دیاں آپریشنل تیاریاں تے مکمل اعتماد دا اظہار کیتا۔
