اسلام آباد۔ 3 جون (اے پی پی) وزیر مملکت /وزیراعظم دے معاون خصوصی ڈیجیٹل میڈیا، فہد ہارون، اسلام آباد اچ اطالوی سفارت خانے اچ اطالوی جمہوریہ دے قومی ݙینھ دی تقریب اچ شرکت کیتی۔ اے تقریب پاکستان اچ اٹلی دی سفیر ماریلینا آرمیلن دی میزبانی اچ منعقد تھئی، جیندے اچ سینئر سرکاری حکام، غیر ملکی سفارتکاراں، صنعتکاراں، ثقافتی طائفاں اتے میڈیا دے نمائندیں شرکت کیتی۔ فہد ہارون “فیسٹا ڈیلا ریپبلیکا” (اٹالوی جمہوریہ دے قومی ݙینھ) دے موقع تے اطالوی عوام اتے حکومت کوں مبارکباد ݙتی جیڑھا جو ہر سال 2 جون کوں اطالوی جمہوریہ دے قیام دی یاد اچ منایا ویندے۔ فہد ہارون آکھیے جو ایں تقریب اچ شریک تھیوݨ میں کیتے خوشی دی ڳالھ ہے۔ پاکستان اتے اٹلی وچال پراݨی دوستی اے جیڑھی جو آپسی احترام، سانجھے اقدار اتے تعاون تے مبنی ہے۔ ایجھیاں تقریباں اساکوں ایں ودھدی ہوئی شراکت داری اتے مستقبل دے امکانات یاد ݙیویندن۔ پاکستان اتے اٹلی وچال سفارتی تعلقات ست ݙھاکیں توں ودھ عرصے تے محیط ہن، جݙاں جو ݙوہیں ملکاں وچال تجارت، تعلیم، موسمیاتی اقدامات، جدت اتے ثقافتی تبادلے دے شعبیں اچ تعاون ودھدا پئے ۔ فہد ہارون سفیر ماریلینا آرمیلن دی مہمان نوازی دا شکریہ ادا کیتا اتے اٹلی دے نال ݙوطرفہ تعلقات کوں مزید چنڳاں بݨاوݨ دے پاکستان دے عزم دا اعادہ کیتا۔
