اسلام آباد 28 ستمبر(اے پی پی) وزیرمملکت کرپٹو تے بلاک چین بلال بن ثاقب امریکی صدر ڈونلڈ ٹرمپ دے کرپٹو مشیر پیٹرک وِٹ نال ملاقات کیتی۔ تفصیل موجب ایں ملاقات اچ ݙوہیں ملکاں وچال بلاک چین تے ڈیجیٹل اثاثیں وچ تعاون ودھاوݨ تے ڳالھ مہاڑ کیتی ڳئی۔ وزیر مملکت آکھیا جو کرپٹو تے ڈیجیٹل اثاثیں دے معاملے وچ پاکستان عالمی قیادت دے نال کھڑے۔ امریکا تے پاکستان، بلاک چین تے ڈیجیٹل اثاثیں وچ تعاون دے ذریعے آپݨے تعلقات کوں ٻیا تکڑا کرݨ دے رستے تے ہن۔ انہاں آکھیا جو پاکستان عالمی ڈیجیٹل معیشت تے جدید ٹیکنالوجی وچ ترقی دے رستے ہموار کریندا پئے۔
.jpg)
