اسلام آباد۔30جولائی(اے پی پی)وزیراعظم محمد شہباز شریف وزارت خارجہ، ریلوے اتے توانائی دی کارکردگی دی تعریف کریندے آکھیے جو سارے وزراء قابل احترام ہین، اہداف دے حصول کیتے وزارتاں اچ صحت مند مقابلے تھیوݨے چاہیدن، ستمبر اچ اقوام متحدہ دی جنرل اسمبلی اچ غزہ دے حوالے نال بھرپور مؤقف پیش کریسوں اتے پاکستان دی ایں بارے توانا آواز ہوسی۔ وزیراعظم شہباز شریف کابینہ اجلاس اچ آکھیا جو پاکستان دے شم??لی علاقیاں، گلگت بلتستان، دیامیر اتے ݙوجھے پہاڑی علاقیاں سودھا پنجاب اتے سندھ وی شدید بارشاں اتے سیلاب نال بے حد متاثر تھیئن اتے قیمتی جاناں ضائع تھیئن، ایویں دہشت گردی دے خلاف ملک بھر بالخصوص بلوچستان اتے کے پی (خیبر پختونخوا) اچ جیڑھیاں ݙینھ رات قربانیاں ݙتیاں ویندیاں پئن، اساݙے افسر، جوان اتے شہری شہید تھیندے پئن، وفاقی وزیر مذہبی امور انہاں کیتے دعا کرائی اے۔ وزیراعظم اے آکھیا جو بجلی دے محکمہ اچ جیڑھیاں انقلابی تبدیلیاں آئن، ایندے تے پوری کابینہ کوں بریفنگ ݙتی ونڄے، ایہہ ہک انقلابی کم اے، ایںدے اچ وزارت توانائی اتے ایندی پوری ٹیم، ٹاسک فورس ٻہوں کم کیتے اتے آئی پی پیز نال مذاکرات اچ اساݙے سپہ سالار اتے انہاں دی ٹیم زبردست کامیابی پیش کیتی اے جیندے نال کئی سو ارب روپے دا خزانے کوں فائدہ تھ??ے اتے ڈسکوز بارے اقدامات نال کئی سو ارب روپے دے نقصانات بچین۔ وزیراعظم ریلوے اچ کامیابیاں تے وی اطمینان کریندے وفاقی وزیر دی کارکردگی دی تعریف کیتی اتے آکھیا اللہ کرے مختلف وزارتاں اچ بہتری دا جیڑھا نمونہ پیش کیتا ڳئے ایہو ڄھیاں پاکستان اچ نظام ٹرݨا چاہیدے۔ انہاں آکھیا جو پاکستان کنونشنل جنگ جیت تے دنیا ک??ں حیران کر ݙتے، اللہ ملک کوں عزت بخشی، پوری قوم متحد تھ??ی، فیلڈ مارشل فرنٹ توں قیادت کیتی جݙاں جو پاک فضائیہ کمال کر ݙکھایا۔ وزیراعظم آکھیا جو نائب وزیراعظم و وزیر خارجہ امریکہ دا کامیاب دورہ کر تے واپس ولیئن۔ وزیراعظم آکھیا جو این ڈی ایم اے دے چیئرمین کوں ہدایت کیتی اے جو فوری طور تے ݙو کنسائنمنٹس اردن اتے مصر دے رستے غزہ پُڄائیاں ونڄن، غزہ اچ مظالم فوری بند تھیوݨے چاہیدن، ایں سانڳے آواز چاوݨ آلے ملکاں دے نال رل تے اقوام متحدہ اچ بھرپور مؤقف ݙیسوں، پاکستان ولوں ہک تکڑی آواز چاتی ویسی۔
