??یج??گ۔26ستمبر (اے پی پی) چین پاکستان اقتصادی راہداری (سی پیک) دے ہیٹھ پاک چین مشترکہ تعاون کمیٹی (جے سی سی) دا 14واں اجلاس جمعہ کوں چین دے دارالحکومت ??یج??گ اچ شروع تھی ڳیا جئیں اچ پاکستان اتے چین دے اعلیٰ حکام شرکت کریندے پئن۔ جے سی سی دے اجلاس اچ ݙوہیں ملکاں دے وزراء، متعلقہ وزارتاں دے حکام اتے شعبیاں دے ماہرین شامل ہن۔ اجلاس دی سانجھی صدارت پاکستان اتے چین دے وزراء منصوبہ بندی کریندے پئن، وفاقی وزیر منصوبہ بندی پروفیسر احسن اقبال کوں 14 ویں جے سی سی اجلاساں اچوں 11 واری شریک چیئرمین تھیوݨ دا اعزاز حاصل اے۔اجلاس توں خطاب کریندیں ہوئیں وفاقی وزیر منصوبہ بندی ترقی تے خصوصی اقدامات پروفیسر احسن اقبال آکھیا جو پاکستان اتے چین آہنی بھرا ہن اتے ݙوہیں ملک اعتماد اتے سانجھے مقدر دے بندھن اچ بَدھیے ہوئین۔ انہاں آکھیا جو چین پاکستان اقتصادی راہداری (سی پیک) فیز-2 عوام اتے نینگراں تے مبنی ترقی دا نواں دور ??وسی، ??یج??گ اچ جے سی سی دا 14واں اجلاس پاک چین تعاون دے نویں باب دا آغاز اے۔ صدر شی جن پنگ دے اقدامات دنیا کوں منصفانہ اتے جامع بݨا ݙتے۔انہاں آکھیا جو سی پیک فیز ون اچ 18 ارب ڈالر مالیت دے 17 منصوبیاں کوں پورا کیتا ڳیا جنہاں نال 8000 میگاواٹ بجلی دی پیداوار تھیندی پئی اے اتے ایں نال ملک اچ بجلی دی کمی دا مسئلہ حل کرݨ اچ مدد ملی، ایں دے ہیٹھ 888 کلومیٹر لمبیاں شاہراہیں پوری کیتی ڳئن، اساں قراقرم ہائی وے دے تھاکوٹ رائے کوٹ ری الائنمنٹ منصوبے کیتے 85 فیصد مالی معاونت فراہم کرݨ تے چین دے شکر گزار ہیسے، ایں منصوبے دا باقی حصہ بھاشا ڈیم دی تعمیر دے بعد 2028 اچ پورا تھیسی۔ کراچی توں پشاور تئیں ایم ایل-1 منصوبہ ریلوے کوں جدید بݨاوݨ دا اہم منصوبہ اے، اساں ایں منصوبے کیتے ملتان روہڑی سیکشن کیتے ایشیئن انفراسٹرکچر انویسٹمنٹ بینک اتے روہڑی توں کراچی تئیں دے سیکشن کیتے ایشیائی ترقیاتی بینک دی مالی معاونت دی تجویز ݙیندوں۔ ایں نال ایں منصوبے کوں جلدی اڳوں ودھاوݨ اچ مدد ملسی۔وفاقی وزیر آکھیا جو سی پیک فیز-2 اڑان پاکستان دے فائیوایز فریم ور?? دے نال ہم آہنگ تھی تے اعلیٰ پائے دی پائیدار ترقی اتے شمولیت دا عکاس تھیوݨا چاہیدے۔ وفاقی وزیر آکھیا جو پاکستان دی 60 فیصد آبادی نینگراں تے مشتمل اے، اساݙی تجویز اے جو اڳلے 10 سالاں اچ چین دی 50 یونیورسٹیاں اچ انجینئرنگ، مصنوعی ذہانت اتے ایمرجنگ سائنسز سودھے ٻئے شعبیاں اچ پاکستانی نینگراں کیتے 10,000 پی ایچ ڈی اسکالرشپس ݙتی ونجن، ایں نال علم دی بنیاد تے انسانی وسیلیاں تے مبنی نمو دی راہ ہموار ہوسی اتے نینگراں کیتے انوویشن سینٹرز اتے چینی اداریاں اچ انٹرن شپس توں تجربے اتے سِکھݨ دے نویں موقع ملسن۔ انہاں آکھیا جو غریب ضلعیاں اچ غربت مکاوݨ دا چینی ماڈل توں فائدہ چاتا ویسی، اساں چاہندوں جو پاکستان دی برآمدات کوں چین دی منڈیاں تئیں آسیان ملکاں جیڑھی رسائی ݙتی ونجے۔ انہاں آکھیا جو کراچی اتے اسلام آباد اچ برآمدات تے مبنی خصوصی اقتصادی ز??نز قائم کرݨ دی تجویز اے، سی پیک فیز ٹو دے ہر کوریڈور کوں برآمدات دے اہداف نال جوڑیا ویسی، سی پیک دے پنج کوریڈور نمو، اختراع، ماحول، روزگار اتے علاقائی روابط تے مبنی ہن۔ پاکستان چین ڈیجیٹل سلک روڈ توں فائیوجی، فائبر اتے ڈیٹا سینٹرز دا قی??م ہوسی، ایں طرح سی پیک دے ہیٹھ مشترکہ اے آئی اتے کوانٹم لیبارٹریز قائم ہوسن۔
