اسلام آباد (اے پی پی) ??زی??اعظم شہباز شریف ٻاہرلے ملک رہݨ آلے پاکستانیاں دی ترسیلات زر پاکستان بھیڄݨ دی سہولت اسکیم کوں جاری رکھݨ دا فیصلہ کیتے ۔ انہاں آکھیے جو ٻاہرلے ملک رہݨ آلے پاکستانی ساݙی طاقت اَتے پاکستان دا قیمتی اثاثہ ہن ۔ انہاں دی خون پسینے دی کمائی ترسیلات زر پاکستان دی ترقی اچ اہم کردار ادا کریندی اے جیں کوں میں سودھے پوری قوم قدر دی نگاہ نال ݙیکھدی اے۔??زی??اعظم دے میڈیا ونگ توں جاری بیان موجب ??زی??اعظم وزارت خزانہ کوں ہدایت کیتی اے جو ورکرز ریمیٹنس انسینٹی?? اسکیم کیتے ترجیحی بنیاداں تے وختی طور تے فنڈ جاری کیتے ونڄن ۔??زی??اعظم مزید آکھیا جو مالی سال 2025 اچ ٻالرے ملک رہݨ آلے پاکستانیاں تریخ دی بل??د ترین 38.3 ارب ڈالر دی ترسیلات زر بھیڄ تے 14 سالاں وچ پہلی واری کرنٹ اکاؤنٹ سرپلس دے ہدف کوں حاصل کرݨ اچ اہم کردار ادا کیتے۔ انہاں ترسیلات زر نال نہ صرف ودھدے درآمدی ٻل دی ادائیگی بلکہ زر مبادلہ دے ذخیرے وچ وی ودھارا تھئے ۔ ٻاہرلے ملک رہݨ آلے مزدوراں توں گھن تے کاروباری شخصیات تئیں، سارے آپݨی ترسیلات زر بھیڄ تے ملکی تعمیر و ترقی اچ اہم کردار ادا کریندن۔??زی??اعظم زور ݙتے جو ٻاہرلے ملک رہݨ آلے محنتی پاکستانیاں ولوں بھیجی ونڄݨ آلی ترسیلات زر دے رستے اچ آندیاں رکاوٹاں کوں ہٹایا ویندا پئے اتے ایں نظام کوں بہتر، موثر اَتے سوکھا بݨایا ویندا پئے۔
