اسلام آباد۔ 23 جون(اے پی پی)قومی سلامتی کمیٹی فردو، نطنز اَتے ا??فہ??ن اچ ایرانی جوہری تنصیبات تے تھیوݨ آلے حملیاں دے بعد ودھدی کشیدگی دے خدشات تے چنتا کریندے انہاں حملیاں کوں بین الاقوامی جوہری توانائی ایجنسی (آئی اے ای اے) دیاں قرارداراں، عالمی قوانین اَتے اقوام متحدہ دے چارٹر دی سنگین خلاف ورزی قرار ݙتے۔ وزیراعظم آفس دے میڈیا ونگ توں جاری بیان دے مطابق، وزیراعظم محمد شہباز شریف دی صدارت اچ قومی سلامتی کمیٹی دا ہک اہم اجلاس سنوار کوں تھیا جیںدے اچ ایران دے خلاف اسرائیلی جارحیت دے بعد پیدا تھیوݨ آلی علاقائی صورت حال دا تفصیلی جائزہ ڳِھدا ڳی??۔ اجلاس اچ اسرائیل دے جارحانہ اقدامات دی سخت الفاظ اچ مذمت کیتی ڳئی اَتے افسوس کیتا ڳیا جو اے فوجی حملے اوں ویلے کیتے ڳئے جݙاں ایران اَتے امریکہ وچال تعمیری مذاکرات دا سلسلہ جاری ہا۔ کمیٹی انہاں غیرذمہ دارانہ اقدامات کوں خطے اچ کشیدگی ودھاوݨ دا موجب قرار ݙتا ڄیڑھے ہک وݙے تنازعہ کوں ہوا ݙے سڳدن اَتے ڳالھ مہاڑ اَتے سفارت کاری دے موقعاں کوں کمزور کریندے پئن۔ قومی سلامتی کمیٹی اقوام متحدہ دے چارٹر اچ درج آپݨے دف??ع دے حق کوں منیندے ہوئیں ایران دے دف??ع دے حق دی توثیق کیتی۔ کمیٹی ایران اچ بے گناہ جاناں دے ضیان تے ایرانی حکومت اَتے عوام توں دلی ہمدردی کیتی اَتے زخمیاں دی تیکھے صحت یابی کیتے دعا کیتی۔ پاکستان دے اصولی موقف کوں دوہریندے ہوئیں کمیٹی 22 جون کوں فردو، نطنز اَتے ا??فہ??ن اچ ایرانی جوہری تنصیبات تے تھیوݨ آلے حملیاں دے بعد مزید کشیدگی دے خدشات تے چنتا کیتے۔ انہاں حملیاں کوں بین الاقوامی جوہری توانائی ایجنسی (آئی اے ای اے) دیاں قرارداراں، عالمی قوانین اَتے اقوام متحدہ دے چارٹر دی سنگین خلاف ورزی قرار ݙتا ڳی??۔ اجلاس اچ پاکستان دی متعلقہ فریقاں نال قریبی سفارتی مشاورت دی پالیسی کوں ݙو واری واضح کیتا ڳیا اَتے ایں عزم دا اعادہ کیتا ڳیا جو پاکستان خطے اچ امن و استحکام کوں ودھاوݨ کیتے اپݨیاں کوششاں اَتے اقدامات جاری رکھسی۔ قومی سلامتی کمیٹی سارے متعلقہ فریقاں توں مطالبہ کیتے جو او اقوام متحدہ دے چارٹر سانڳے ڳالھ مہاڑ اَتے سفارت کاری نال ایں تنازعہ دا حل لٻھن۔ کمیٹی زور ݙتا جو سارے فریق بین الاقوامی انسانی حقوق اَتے انسانی ہمدردی بارے قوانین دی مکمل پاسداری یقینی بݨاون۔
