وزیر خارجہ اسحاق ڈاردا سوئس فیڈرل کونسلر اتے وزیر خارجہ اگنیزیو کیسسز نال ٹیلی فونک رابطہ

2025-08-12 17:36:56

اسلام آباد۔3 مئی (اے پی پی) نائب وزیراعظم/وزیر خارجہ سینیٹر محمد اسحاق ڈار بھارت دے بے بنیاد الزامات، اشتعال انگیز پروپیگنڈہ اتے سندھ طاس معاہدے کوں معطل کرݨ دے حوالے نال تشویش دا اظہار کریندے آکھیے سندھ طاس معاہدے دی معطلی بین الاقوامی قانونی ذمہ واریاں دی صریح خلاف ورزی اے۔ ترجمان دفتر خارجہ توں جاری اعلامیہ موجب وزیر خارجہ اسحاق ڈار ہفتے کوں سوئس فیڈرل کونسلر اتے وزیر خارجہ اگنیزیو کیسسز نال ٹیلی فونک ڳالھ مہاڑ ??یتی۔ وزیر خارجہ سینیٹر محمد اسحاق ڈار سوئٹزر لینڈ دے وزیر خارجہ کوں علاقائی سلامتی دی ابھردی ہوئی صورتحال دے حوالے نال تفصیلات دا ݙسیندے بھارت دے اڄوکے اشتعال انگیز اقدامات تے شدید تشویش دا اظہار کیتے اتے آکھیا جو بھارت دے بے بنیاد الزامات، اشتعال انگیز پروپیگنڈہ اتے سندھ طاس معاہدہ معطل کرݨ دا یکطرفہ فیصلہ بین الاقوامی قانونی ذمہ واریاں دی صریح خلاف ورزی اے۔ انہاں حقائق کوں سامݨے ??ھن آوݨ کیتے ہک آزاد اتے شفاف بین الاقوامی تحقیقات کیتے پاکستان دے مطالبے دا اعادہ کیتے۔ انہاں اپݨی خودمختاری اتے قومی مفادات دے تحفظ دے حق کوں محفوظ رکھیندے ہوئیں علاقائی امن اتے سلامتی دے مفاد اچ تحمل نال کم گھنݨ دے پاکستان دے عزم کوں وی اجاگر کیتا۔ اگنیزیو کیسسز امن دے ودھارے کیتے پاکستان دے عزم دی تعریف کیتی اتے غیر جانبدار تحقیقات دی پاکستانی تجویز دی توثیق کیتی۔ انہاں سوئٹزرلینڈ ولوں تعاون دی پیشکش کیتی اتے غیر جانبدارانہ تحقیقات کیتے سہولت ݙیوݨ دے حوالے نال مناسب طریقہ ??ار ڳولݨ کیتے اپݨی آمادگی ظاہر کیتی۔ ݙوہیں رہنماواں ابھرتی ہوئی صورتحال تے نیڑے رابطے اچ رہݨ تے وی اتفاق کیتے۔