اسلام آباد۔ 14 جون (اے پی پی) وفاقی وزیر اطلاعات و نشریات عطاء اللہ تارڑ ایران تے اسرائیلی جارحیت دی مذمت کریندے آکھیے جو پاکستان اقوام متحدہ دی سلامتی کونسل وچ ایران دے حق وچ بھرپور اتے ݙوٹُوک موقف اپنائے، ایران کوں اقوام متحدہ چارٹر دے تحت اپݨے دفاع دا مکمل حق حاصل اے، بجٹ وچ تنخواہ دار طبقے کوں خاطر خواہ ریلیف ݙتا ڳئے ، ای?? بی آر دی اصلاحات دے نتیجے وچ ملکی تاریخ دیاں بلند ترین محصولات کٹھیاں کیتیاں ڳئیاں، خیبر پختونخوا وچ تعلیم، صحت اتے گورننس دے شعبے مسلسل تنزلی دا شکار ہن، قومی ترقی اتے معاشی استحکام کیتے ساریاں کوں یکجہتی دا مظاہرہ کرݨا ہوسی تاں جو پاکستان کوں درپیش چیلنجز دا مؤثر انداز وچ مقابلہ کیتا ونڄ سڳے۔ قومی اسمبلی دے اجلاس اچ ڳالھ کریندے وفاقی وزیر اطلاعات آکھیے جو ایران دی اڄوکی صورتحال تے اقوام متحدہ دی سلامتی کونسل دا خصوصی اجلاس سݙیا ڳیا جیں وچ پاکستان اسرائیلی حملے دے خلاف بھرپور موقف اختیار کیتا۔ ایران دے اقوام متحدہ وچ مستقل مندوب پاکستان دے کردار دی تعریف کیتی تے ایں دا شکریہ ادا کیتا ۔ انہاں آکھیا جو اقوام متحدہ چارٹر دے تحت ایران کوں اپݨے دفاع دا حق حاصل اے، پاکستان اقوام متحدہ سلامتی کونسل دے اجلاس وچ واضح طور تے اسرائیلی جارحیت دی مذمت کیتی اتے ایرانی عوام نال یکجہتی دا اظہار کیتا۔ عطاء اللہ تارڑ آکھیے جو پاکستان اتے ایران وچال برادرانہ تعلقات دا ہک تاریخی پس منظر اے۔ ڈاکٹر علامہ محمد اقبال کوں ایران وچ پڑھیا اتے منیا ویندے، انہاں تے تحقیقی کم وی کیتا ڳئے۔ انہاں آکھیا جو وزیراعظم شہباز شریف، نائب وزیراعظم اسحاق ڈار اتے اقوام متحدہ وچ پاکستان جئیں طریقے نال اے مقدمہ پیش کیتا اے قابل تحسین اے۔ انہاں آکھیے جو دنیا خطے وچ امن دے ودھارے کیتے پاکستان دے کردار کوں تسلیم کریندی اے۔ انہاں آکھیے جو فلسطین دے نہتے مسلماناں کوں پاکستان کݙاہیں نئیں بھلایا اتے نہ بھلیسی، انہاں دا خون کݙاہیں ضائع نہ ویسی ، پاکستان ہمیشہ فلسطینی عوام تے ظلم دی کھل تے مذمت کیتی اے، فلسطین کاز اساݙے دلاں دے ٻہوں نیڑے ہے پاکستان انہاں کڄھ ملکاں وچ شامل اے جنہاں دا امدادی سامان فلسطین دے عوام تئیں پُڄایا، اساݙیاں فلاحی تنظیماں اڄ وی امداد ݙیندیاں پئن۔ انہاں آکھیا جو فلسطینی عوام نال اساݙے جذبات تے کݙاہیں کوئی سمجھوتہ نہ تھیسی۔وفاقی وزیر اطلاعات آکھیا جو اپوزیشن دے کجھ نادان عناصر ٻاہرلے ملک بہہ تے پاکستان دے موقف کوں نقصان پُہنچاوݨ دی کوشش کریندے پئن، کوڑے بیانات اساݙے ناں نال منسوب کریندے پئن۔ انہاں سوال کیتا جو بانی پی ٹی آئی دے سوشل میڈیا اکاؤنٹ توں ایران دے معاملے تے کوئی موقف کیوں سامݨے نئیں آیا؟ پی ٹی آئی دی سابق رکن اسمبلی دی اسرائیل دے حق وچ تقریر اڄ وی ریکارڈ دا حصہ اے جیں دی پارٹی سطح تے نہ مذمت کیتی ڳئی اتے نہ کوئی کارروائی عمل وچ گھن آئی ڳئی۔ وفاقی وزیر اطلاعات آکھیے جو جݙاں پی ٹی آئی 2022ء وچ اقتدار چھوڑ??ا ہا تاں ملک وچ مہانگ دی شرح 12 فیصد ہئی جیڑھی ہݨ گھٹ تھی تے 3 فیصد تے آ چُکی اے، ترسیلات زر ریکارڈ سطح تے پُڄ ڳئن ، کرنٹ اکاؤنٹ سرپلس تھی چُکئے ۔ انہاں آکھیا جو عوام بانی پی ٹی آئی دی نافرمانی دیاں ساریاں کالز کوں یکسر رد کر ݙتے، نہ بجلی دے ٻل ساڑݨ دی کال تے کہیں عمل کیتا اتے نہ ہی ترسیلات رکواوݨ دی اپیل تے توجہ ݙتی بلکہ ٻاہرلے ملک توں ریکارڈ ترسیلات وطن آئن۔ انہاں آکھیا جو اپوزیشن لیڈر محض پنج لائناں دا مائیک خراب کرتے ای??ان اتے ملک کوں مذاق بݨا ݙتا، ایں تے افسوس دے سوا کجھ نئیں آکھیا ونڄ سڳدا۔انہاں آکھیا جو وفاقی بجٹ وچ تنخواہ دار طبقے کوں بھرپور ریلیف ݙتا ڳئے، ٹیکس سلیبز وچ واضح کمی دے نال نال تنخواہواں وچ وی ودھارا کیتا ڳئے۔ خیبر پختونخوا حکومت دے بجٹ تے ڳالھ کریندے انہاں آکھیا جو خیبر پختونخوا حکومت بجٹ وچ عوام کوں کوئی ریلیف نی ݙتا، بجٹ وچ کہیں انقلابی منصوبے دا اعلان نی کیتا ڳیا، اتھاں اڄ تئیں لٹریسی ریٹ کیوں نئیں ودھ سڳیا، انہاں دا لٹریسی ریٹ پنجاب اتے سندھ توں گھٹ اے، 55 لکھ ٻال سکولاں توں اڄ وی ٻاہر ہن، صحت اتے تعلیم دے شعبیں دا برا حال اے۔ انہاں آکھیا جو خیبر پختونخوا وی اساݙے دل دے اتنے ہی نیڑے ہے جتنا پنجاب لیکن پی ٹی آئی اتھاں دے عوام دا ویلھاضائع کیتے۔ گزریل ساڈھے ڳیاراں سالاں دے اندر کیا اقدامات کیتے ڳئن جنہاں دے تحت کے پی دے سکولاں، ہسپتالاں وچ بہتری آئی ہووے؟ مریم نواز اتے شہباز شریف دا پنجاب دا دور ݙیکھو اتے اپݨا دور ݙیکھو، ہݨ تئیں پشاور دا سیف سٹی پراجیکٹ مکمل نئیں تھی سڳیا۔وفاقی وزیر اطلاعات عطاء اللہ تارڑ آکھیا جو ای?? بی آر ملکی تاریخ وچ ریکارڈ محصولات اکٹھیاں کیتن، مافیاز دے خلاف پہلی وار عملی کارروائی کیتی ڳئی ہے، شوگر انڈسٹری تے 30 فیصد ٹیکس ودھایا ڳئے، شوگر ملاں وچ چھاپے ماریے ڳئے اتے سٹاکس چیک کرتے ریکارڈ ٹیکس وصول کیتا۔ انہاں آکھیا جو تمباخوں انڈسٹری وچ 600 ارب روپے دی چوری تھیندی اے، صرف ݙو کمپنیاں ٹیکس ݙیندن، علی امین گنڈا پور کوں دعوت ݙینداں جو ٹوبیکو مافیا کوں لگام ݙیوَن، ای?? بی آر دے حوالے نال انقلابی ریفارمز ہن، ٹوبیکو مافیا وی ٹیکس ݙیسی، اے ایں قوم اتے غریب عوام دا حق اے جیڑھا جو وݙیاں وݙیاں انڈسٹریاں ٹیکس نی ݙیندیاں او ٹیکس نیٹ وچ آون، ٹوبیکو مافیا دے خلاف اساں ڳالھ کرݨ دی ہمت نی کریندے، ٹوبیکو مافیا کوں شکنجہ پاوݨ دی لوڑھ اے۔ وزیر اطلاعات آکھیے ای?? بی آر اتے چیئرمین ای?? بی آر کوں سلام پیش کریندوں جو وزیراعظم دے ویژن دے تحت کراچی پورٹ تے پہلی واری فیس لیس اسیسمنٹ نظام رائج کیتا ڳئے جیڑھا کنسائنمنٹ آسی نہ کنسائنی اتے نہ کنسائنر کوں پتہ ہوسی جو کیہڑا افسر کنسائنمنٹ کلیئر کریندا پئے، ایں سسٹم دے تحت نہ رشوت گھدی ونڄ سڳدی اے اتے نہ ݙتی ونڄ سڳدی اے۔ کلیئرنس ٹائم وچ 70 فیصد بہتری آئی اے۔ جیرھا جو کنٹینرز کئی ہفتے پئے رہندے ہن ہݨ کجھ گھنٹے وچ کلیئر تھیندے پئن۔ ای?? بی آر ٹیکنالوجی، آرٹیفیشل انٹیلیجنس اتے سافٹ ویئر ڈویلپمنٹ دے پاسے ویندا پئے، اے آئی دے ذریعے ریکارڈ ٹیکس اکٹھے کیتے ویسن۔انہاں آکھیا جو ملکی تاریخ وچ پہلی واری بنکاں تے ونڈ فال ٹیکس لاٹا ڳئے، وزیراعظم دی ذاتی دلچسپی نال ساڑھے 34 ارب روپے سرکاری خزانے وچ واپس آئے۔ آئی ای?? ای?? وی تسلیم کریندے جو پاکستان اضافی ٹیکسز کٹھے کیتے، ای?? بی آرز جیڑھی ریفارمز کیتن ایں دی تاریخ وچ مثال نئیں ملدی۔ وزیراعظم کھاد اتے زرعی ادوائیں تے نواں ٹیکس کائنی لاتا ، اساں زمینداراں تے کوئی اضافی ٻوجھ نی پاتا ، زراعت وچ صوبیں کوں اپݨا کردار ادا کرݨا ہوسی۔ وفاقی وزیر اطلاعات آکھیے جو اپوزیشن بجٹ تے ہݨ تئیں کوئی قابل عمل تجویزاں نی ݙتیاں ، ”اڑان پاکستان“ پروگرام کہیں جماعت دا نئیں بلکہ پورے پاکستان دا اے، ایں کوں اڳوں ودھاوݨ اساں ساریں دی ذمہ داری اے۔ وفاقی وزیر اطلاعات آکھیے جیویں دفاعی محاذ تے اساں متحد ہوندوں اونویں ہی معاشی میدان وچ وی یکجہتی ݙکھاوݨ دی لوڑھ اے۔ تاریخ انہاں ہی لوکاں کوں یاد رکھیندی اے جیڑھے تعمیر وطن وچ اپݨا حصہ پیندن۔
