ارومچی۔ 18 ستمبر (اے پی پی)صدر مملکت آصف علی زرداری آکھیے جو پاک چین دوستی نویکلی، ویلھے دی منی ہوئی اتے پاکستان دی خارجہ پالیسی دی بنیاد اے، پاکستان دہشت گردی اتے انتہا پسندی دے خلاف چین نال رل تے کم جاری رکھسی۔ اے ڳالھ صدر مملکت آصف علی زرداری ارومچی اچ سن??یانگ اویغور خود مختار علاقے دی کمیونسٹ پارٹی دے سیکرٹری چن شانئو جیانگ نال ملاقات اچ آکھی۔ ایں موقع تے سن??یانگ اویغور خود مختار علاقے دے گورنر ارکن تونارز وی موجود ہن۔ کمیونسٹ پارٹی دے سیکرٹری چن شانئو جیانگ صدر مملکت دا پرتپاک استقبال کیتا اتے صدر آصف علی زرداری دے 2011 اچ ہک نمائش (ایکسپو) اچ شرکت کیتے ارومچی دے دورے دا ݙسایا۔ انہاں صدر دے ایں سال فروری اچ بیجنگ دے دورے دا وی ݙسایا جتھاں انہاں صدر شی جن پنگ نال ملاقات کیتی اتے مختلف شعبیاں اچ معاہدے تے مفاہمت دی یادداشتاں (ایم او یوز) تے دستخطاں دی تقریب اچ شرکت کیتی۔ انہاں وزیراعظم شہباز شریف دے حالیہ دورہ چین تے وی سوڄھلا پات?? ڄیڑھا شنگھائی تعاون تنظیم (ایس سی او) دے سربراہی اجلاس تے چین انقلاب دی فتح دی 80ویں سالگرہ اچ شرکت کیتے کاشغر ڳیا ہئی جیندے اچ صنعت، زراعت، کان کنی اتے ٻئے شعبیاں اچ ارباں ڈالر دے معاہدے دے نال سی پیک دے ݙوجھے مرحلے دی شروعات کوں تکھا کرݨ تے ڳالھ مُہاڑ تھئی۔ پارٹی سیکرٹری زور ݙتا جو سن??یانگ ہݨ خوشحالی، معاشرتی استحکام اتے پائیدار امن دا مرکز بݨ چکیے، جیندا جی ??ی پی 5.6 کھرب یوآن توں ودھ ڳئے۔ انہاں آکھیا جو اے خطہ انتہا پسندی اتے دہشت گردی دیاں پاڑاں مکیندے ہوئے زراعت اتے مویشی پالݨ دے شعبیاں اچ ترقی کریندا پئے۔ انہاں ݙسایا جو بلوچستان دے گورنر اتے گلگت بلتستان دے وزیر اعلیٰ سن??یانگ دا دورہ کیتا۔ چن شانئو جیانگ آکھیا جو پاکستان اتے چین وچال سسٹر سٹی دے 8 معاہدے موجود ہن جنہاں اچ ارومچی اتے پشاور وچال معاہدہ وی شامل اے، سن??یانگ پاکستان نال حکومت توں حکومت (جی ٹو جی) تے کاروبار توں کاروبار (بی ٹو بی) تعاون خاص طور تے زراعت، مویشی پالݨ، کان کنی اتے صنعت دے شعبیاں اچ تعاون ودھاوݨ چاہندے۔ انہاں ینگھ دلائی جیڑھے چین اے پاکستان ڈوہاں دیساں کوں نشانہ بݨاوݨ والے دہشت گرد گروہاں دے خلاف عدم برداشت برقرار رکھیسن اے سیکیورٹی تے دہشت گردی دے خلاف جنگ اچ باہمی تعاون دے عزم دا اعادہ کیتا۔ صدر مملکت آصف علی زرداری آکھیا جو او ہک واری ٻیا سن??یانگ دا دورہ کریندے پئے ہن اتے انہاں کوں چینی عوام دی یکجہتی تے خطے دی شاندار ترقی دی ٻہوں خوشی اے۔ صدر مملکت آکھیا جو پاکستان دہشت گردی تے انتہا پسندی دے خلاف چین دے نال مل تے کم جاری رکھیسی جݙاں جو زراعت، مینوفیکچرنگ، لائیو سٹاک، صنعت، کان کنی اتے نویں ٹیکنالوجیز دے شعبیاں اچ تعاون ودھیسی۔ انہاں امید کیتی جو سن??یانگ اتے پاکستان دے شمالی علاقیاں وچال ودھݨ آلے تعلقات ثقافتی اتے معاشی رشتیاں کوں ٻیا تکڑا کریسن۔ صدر مملکت آکھیا جو او انہاں ݙینہاں دے تانغھی ہن جݙاں ڈوہاں دیس سڑک دے ذریعے آسانی نال ہک ݙوجھے تک پڄ سڳسن۔ سن??یانگ دے سی پیک وچ کلیدی کردار کوں اجاگر کریندے ہوئے صدر مملکت صنعتی تے زرعی تعاون کوں ودھاوݨ دی ترغیب ݙتی تے گلگت بلتستان وچ خصوصی اقتصادی زونز دی صلاحیت دا حوالہ ݙتا۔ انہاں سن??یانگ دے عوام کوں پاکستان دے شمالی علاقیاں دا دورہ کرݨ دی دعوت ݙتی تے ایں ڳالھ تے زور ݙتا جو پاکستان ہمیشاں چین دا سب توں قابل اعتماد پارٹنر تے قابل اعتماد دوست رہسی۔ ایں ملاقات دے بعد صدر مملکت تے انہاں دے وفد دے اعزاز وچ چن شانئو جیانگ دی میزبانی وچ عشائیے دا انتظام کیتا ڳیا۔ ایں موقع تے سینیٹر سلیم مانڈوی والا، سندھ دے وزیر توانائی ناصر شاہ، چین وچ پاکستان دے سفیر تے پاکستان وچ چین دے سفیر وی موجود ہن۔
.jpg)
